Ttyjukl

Live It Up er det tiande albumet til Crosby, Stills & Nash, det fjerde studioalbumet deira som trio, gjeve ut på Atlantic Records i 1990. Albumet nådde 57. plassen på Billboard 200 med eit salstal på 300 000. Det er det første studioalbumet deira som ikkje selde til minst gullplate i USA.^[1]

Bakgrunn |

Etter David Crosby kom ut av fengsel drog han ut på turné med Stephen Stills og Graham Nash som CSN i 1987 og 1988.^[2] Innspelinga av det andre CSNY-albumet med Neil Young vart samstundes spelt inn i løpet av dei åra, men kvartetten valte å ikkje dra ut på turné i lag. Albumet fekk dårleg mottaking og Stills rekna kritikken som «planlagt».^[3] I 1989 drog Stills og Young ut på turné med kvar sine eigne band, medan Crosby og Nash byrja å arbeide på det som kom til å bli eit nytt Crosby & Nash-album. Crosby gav òg ut sitt eige soloalbum, Oh Yes I Can, den sommaren.^[4] Stills gjekk saman med Crosby og Nash for å spele under nedrivinga av Berlinmuren seint i 1989, og innspelingane for det nye Crosby & Nash-albumet utvikla seg til eit nytt Crosby, Stills & Nash i staden.^[5] Atlantic hadde oppfordra Stills og Nash til å inkludere Crosby i prosjektet som vart Daylight Again attende i 1981.^[6]

Innspeling |

Albumet vart spelt inn i fleire studio kring Los Angeles, hovudsakleg i The Record Plant. Delar av «Live It Up» byrja i Home-Brew Studio i Ohio og vart gjort ferdig i profesjonelle studio. «If Anybody Had a Heart», «Arrows», og «After the Dolphin» vart spelte inn i Devonshire Studios; «(Got to Keep) Open» vart spelt inn i Capitol Records.

Nash, som i praksis leia prosjektet, har uttrykt misnøye med innspelingane. I tillegg til at han var ukomfortabel med leiarrolla og sa «berre ein gong song med i lag i ein mikrofon. Så slik sett var det ikkje eit verkeleg CSN-album.»^[5]

Bandet turnerte for å marknadsføre albumet i 1990, men ingen av desse songane vart faste i repertoaret til gruppa, og berre «House of Broken Dreams» og «Yours and Mine» vart spelte på enkelte konsertar etter 1990.

Mottaking |

Meldingar
Karakter
Kjelde	Karakter
Allmusic	[7]
Entertainment Weekly	C+[8]

Greg Sandow skreiv i Entertainment Weekly at Live it Up er dominert av melodiar som er fengande, men for generiske og sjellause. Han la til at songane «Yours and Mine», «Arrows», og særleg «After the Dolphin» gav genuin djupne og meining, men at det samla produktet er «eit merkeleg tamt album som berre den hardaste kjernen av fansen vil like.»^[8]

Jeff Giles skreiv om Live it Up i serien «Whoops!», og omtalte det som eit flaut og mislykka forsøk på å blande hippie-tankegangen frå fortida til Crosby, Stills & Nash med den glatte produksjonen frå tida då albumet vart spelt inn. Han meinte det samtidige albumet til Don Henley, The End of the Innocence, som eit mykje betre forsøk på denne kombinasjonen.^[9] I ei seinare melding for Allmusic skreiv William Ruhlmann at han likte synginga til bandet og musikaliteten til studiomusikarane, men at songane ikkje var gode nok og at Live It Up var det svakaste Crosby, Stills & Nash-albumet.^[7]

Innhald |

Medverkande |

• 
  David Crosby – vokal; elektrisk gitar på «Tomboy»
  


• 
  Stephen Stills – vokal; gitar på «Live It Up», «If Anybody Had a Heart», «Tomboy», «Haven't We Had Enough?», «(Got to Keep) Open», og «Straight Line» klaverinstrument på «Tomboy»; bass på «(Got to Keep) Open»
  


• 
  Graham Nash – vokal; akustisk gitar på «Tomboy», «House of Broken Dreams»
  

Andre medverkande |

• 
  Joe Vitale – trommer; synthesizer på «Live It Up», «If Anybody Had a Heart», «Tomboy», «Yours and Mine», «(Got to Keep) Open», «House of Broken Dreams», «Arrows», og «After the Dolphin»; klaverinstrument på «"Live It Up», «If Anybody Had a Heart», og «Yours and Mine»; orgel på «After the Dolphin»; perkusjon på «Straight Line»
  


• 
  Craig Doerge – klaverinstrument på «If Anybody Had a Heart», «Yours and Mine», «Straight Line», «House of Broken Dreams», «Arrows», og «After the Dolphin»
  


• 
  Bob Glaub – bass på «Tomboy», «Yours and Mine», «Straight Line», og «House of Broken Dreams»
  


• 
  Leland Sklar – bass på «If Anybody Had a Heart», «Arrows», og «After the Dolphin»
  


• 
  John David Souther – vokal på «If Anybody Had a Heart»
  


• The Williams Family – vokal på «Live It Up»
  


• 
  Branford Marsalis – sopransaksofon på «Yours and Mine» og «Arrows»
  


• 
  Mike Landau – gitar på «If Anybody Had a Heart» og «After the Dolphin»
  


• 
  Roger McGuinn – gitar på «If Anybody Had a Heart»
  


• 
  Peter Frampton— gitarsolo på «Straight Line»
  


• 
  Bruce Hornsby – piano, trekkspel på «(Got to Keep) Open»
  


• Tony Beard – perkusjonsprogrammering på «Yours and Mine»; elektrisk gitar på «Straight Line»
  


• Mike Fisher – perkusjon på «If Anybody Had a Heart» og «After the Dolphin»
  


• Michito Sanchez – perkusjon på «Tomboy» og «(Got to Keep) Open»
  


• Vince Charles – perkusjon på «Arrows»
  


• Rand Wetherwax – lyddesign, inkludert radiosendinga med Simon Jones og Harry S. Truman på «After the Dolphin»
  

Kjelder |