Ttyjukl

Vårpengeurt (Noccaea caerulescens eller Thlaspi caerulescens (J. & C. Presl) eller Thlaspi alpestre ) er ein to- eller fleirårig plante i krossblomfamilien.

Planten vert 10-30 cm høg, og har snau stengel med bladrosett som ofte overvintrar. Kronblada er kvite eller lysfiolette. Blada er blågrøne og sluttar seg om stengelen, og som visnar nedanfrå etterkvart som planten veks. Frøa mognast i 5 - 10-mm breie hjarteforma skulper, kvar med mange frø.

Vårpengeurten vart innført til Botanisk Hage Noreg, og derfrå har han spreid seg sidan 1874. No er han fullt naturalisert i tørr eng, på berg og i open tørr skog opp mot fjellet. Ved Finse er han funnen opp til 1225 m. I sør framstår han som ein karakteristisk vårplante. Han er vanleg nord til indre Helgeland, men han er òg funnen lenger nord, til og med som tilfeldig ugras på Svalbard.

Opphavleg høyrer vårpengeurten heime i fjellstroka i Sør- og Mellom-Europa. .

Kjelder: |

• 
  Johannes Lid Norsk flora Det Norske Samlaget 2005 ISBN 82-521-6029-8
  


• Knut Fægri: Norges planter Cappelens forlag 1960