Ttyjukl

A Trick of the Tail er det sjuande studioalbum av det engelske rockebandet Genesis og det første med trommeslagar Phil Collins som fulltids solovokalist og det første utan den originale vokalist Peter Gabriel. Det kom ut i februar 1976.

Genesis etter Gabriel |

Etter Peter Gabriel forlet Genesis søkte dei gjenverande medlemmane etter ein erstattar, sjølv om somme medlemmar (hovudsakleg Tony Banks) foreslo at dei kunne halde fram som eit instrumentalt band. I starten ønskte ikkje Phil Collins å ta over for Peter Gabriel, og ønskte heller å leite etter ein ny songar. Ein av dei 400 personane som var på prøvespel, Mick Stickland, fekk nesten jobben, men bandet valte å ikkje ta han inn. Bandet hadde alt spelt inn det meste av musikken til A Trick of the Tail og denne var i ein toneart som Stickland ikkje var komfortable å synge i. Då dei ikkje fann noko ny vokalist, gjekk Collins motvillig i studio for å synge «Squonk» og bandet avgjorde då at Collins skulle bli den nye vokalisten.

Innspeling |

Albumet vart spelt inn i Relight Studios og miksa i Trident Studios i oktober og november 1975. Det var det første albumet dei produserte i lag med David Hentschel, som arbeidde med bandet dei neste fire åra.

Videoar |

For første gongen i karrieren filma Genesis musikkvideoar til songane deira. Tre videoar vart laga. Banks sin «A Trick of the Tail» var den første, der ein ser bandet spele i lag kring eit piano. Ein miniatyr av Phil Collins kan ein sjå hoppande på eit piano og ein gitar. Collins sa sida at denne videoen var den mest kleine i heile karrieren hans. Den andre videoen var for songen «Ripples», der bandet framfører songen. Den tredje var for «Robbery, Assault and Battery» som syner Collins som bankrøvar som skyt eit eldre mann (spelt av Mike Rutherford) før han blir forfølgd av politifolk (spelt av resten av bandet).

Mottaking |

A Trick of the Tail gjekk heilt til tredjeplassen i Storbritannia og låg på albumlista i 39 veker. I USA nådde albumet 31. plass på albumlista. I tillegg selde albumet til gullplate i USA i mars 1990. Suksessen gjorde godt for økonomien til Genesis, som hadde $400 000 i gjeld på tida då Peter Gabriel slutta i bandet.

Innhald |

2007-utgåve |

Ei ny utgåve av A Trick of the Tail kom ut i 2007 i Storbritannia og Japan. Han vart gjeven ut i Nord-Amerika som ein del av Genesis 1976-1982-boksen same året. Denne utgåvea inneheld heile albumet i stereo, heile albumet i kringlyd og tilknytte videospor.

Medverkande |

• 
  Mike Rutherford – bassgitar, 12-strengsgitar, basspedalar
  


• 
  Tony Banks – orgel, synthesiser, piano, korvokal, 12-strengsgitar, mellotron
  


• 
  Phil Collins – vokal, korvokal, trommer, perkusjon


• 
  Steve Hackett – elektrisk gitar, 12-strengsgitar
  

Kjelder |

Bakgrunnsstoff |

• Videoklipp for A Trick of the Tail