Ingierstrand bad Kjelder | Bakgrunnsstoff | Navigasjonsmeny59°49′5″N...
Houens fonds diplomKulturminne i OppegårdFunksjonalisme i arkitekturByggverk i OppegårdFreda bygg i Akershus
BunnefjordenOppegård kommuneOslofunksjonalistisk stilarkitektaneOle Lind SchistadEyvind MoestueWiderøes FlyveselskaparkitekturprisenriksantikvarenHvalstrand badLeangbuktaAsker kommune
Koordinatar:
Stupetårnet på Ingierstrand bad.
Ingierstrand bad, danseplassen utanfor restauranten.
Flyfoto over Ingierstrand bad ca. 1945-1950
Ingierstrand bad er eit friluftsbad, sjøbad, på austsida av Bunnefjorden i Oppegård kommune, omlag 15 kilometer sør for sentrum i Oslo. I 1936 kjøpte Oslo kommune Ingierstrand bad med eit stort kringliggjande areal for at folk i byen skulle få auka tilgang til sjø og friluftsliv, til saman 2700 mål med ein 5500 meter lang strand. Området var ein part av eigedomen Stubljan, og badeanlegget vart teikna i funksjonalistisk stil av arkitektane Ole Lind Schistad og Eyvind Moestue i 1931 på oppdrag av familien Ingier, som hadde hatt eigedomen Stubljan i ætta frå 1799. Ingierstrand har såleis namn etter denne familien.
Ingierstrand bad var eit populært utfluktsmål frå opninga i 1933, og er framleis i flittig bruk. Her var det sandstrand, svaberg, stupetårn, rutsjebane, friluftsservering, kioskar med sal av iskrem, brus og sjokolade, og ein moderne, fasjonabel spise- og danserestaurant. I tillegg kunne ein i si tid drikke av Radiumkildens «helsebringande vatn». Widerøes Flyveselskap hadde sjøflyhamn her nokre år frå 1934, og det var då høve til å ta seg ein flytur.
Friluftsbadet fekk arkitekturprisen Houens fonds diplom i 1961. Anlegget vart rehabilitert og pussa opp i 2009-2010 etter ha forfalle i fleire år. Det vart verna av riksantikvaren i 2012.
Andre badeplassar i same området er til dømes Bestemorstranda og Bekkensten. Hvalstrand bad i Leangbukta i Asker kommune er eit liknande sjøbad med bygningar og stupetårn i funksjonalistisk stil på den andre sida av Oslo.
Kjelder |
Oslo byleksikon, femte utgåva, side 276- Riksantikvaren: Ingierstrand
- Lokalhistoriewiki.no: Ingierstrand bad
Bakgrunnsstoff |
- Oslo kommune: Ingierstrand, vasstemperatur og andre opplysningar
