Ttyjukl

Sadisme er eit omgrep med fleire tydingar. Den klassiske definisjonen på ein sadist er eit menneskje som opplever lyst eller tilfredsstilling ved å audmjuke eller undertrykkje andre menneskje eller å påføre dei smerte. Han kan vere seksuelt motivert eller ha andre motiv som til dømes demonstrasjon av makt.

Ei meir moderne tolking av omgrepet har vorte aktuelt dei seinare åra, etter kvart som ein sadomasochistisk subkultur har vorte meir synleg i Vesten. Menneske som knyter seg til denne seksuelle retninga legg vekt på at sadisme retter seg mot ein friviljug og likeverdig motpart som finn ein masochistisk glede i å verta audmjuka, dominert eller påført smerte av sadisten.

Omgrepet sadisme vart fyrst brukt av den tyske psykiateren og rettsmedisinaren Richard von Krafft-Ebing. Omgrepet kjem frå forfattaren Marquis de Sade, som skreiv fleire pornografiske romanar som inneheldt med valdsfantasiar.

Omgrepet sadisme har eit motstykke i masochisme.
Sigmund Freud var den første som såg ein samanheng mellom sadisme og masochisme, og sette orda saman til omgrepet sadomasochisme.

Litteratur |

• Marquis de Sade: Les Cent-Vingt journées de Sodome ou l’école du libertinage (1785).

Denne artikkelen manglar kjelder eller referansar. Hjelp Wikipedia med å finna truverdige kjelder!