Ttyjukl

Per Kleiva (1. april 1933–17. september 2017)^[1] var ein norsk biletkunstnar som arbeidde mest med måleri og grafikk. Han er særleg kjend for måleria sine i op- og pop-kunst stil og for dei grafiske blada gjort i silketrykk i tida han var tilknytt kunstnarkollektivet GRAS. Han var ein av dei leiande politisk engasjerte kunstnarane på 1960- og 70-talet.

Bakgrunn |

Per Kleiva var fødd i Torsken kommune som son til Ivar Kleiva.^[2] Han voks opp i Troms, på Sunnmøre og i Gulen i Sogn.

Utdanning |

Kleiva studerte under Per Krohg på Statens Kunstakademi i åra 1955 til 1957. Før det hadde han teke kveldskurs på Bergen Kunst- og Håndverksskole og på Vestlandets Kunstakademi. I 1959 studerte han under Niels Lergaard på Kunstakademiet i København og han studerte også ved Kunstakademiet i Firenze og Kunstakademiet i Stockholm. Frå 1961 til 1965 var han assistent hjå Sigurd Winge.

Utstillingar |

Kleiva debuterte på Statens Kunstutstilling (Haustutstillinga) i 1963 og hadde den fyrste separatutstillinga si året etter på Galleri 27 i Oslo. Sidan hadde han ei lang rekkje separatutstillingar både innanlands og utanlands, og han har og delteke på mange gruppe- og kollektivutstillingar. I tillegg har han stått for utsmykkinga av ei rekkje offentlege og private bygg.

I offentlege samlingar |

Per Kleiva sin kunst er innkjøpt til desse offentlege samlingane

• Nasjonalgalleriet


• Riksgalleriet


• Museet for samtidskunst


• Bergen Billedgalleri


• Oslo kommunes kunstsamlinger


• Trøndelag Kunstgalleri


• Christiansands kunstgalleri


• 
  Henie Onstad Kunstsenter, Høvikodden i Bærum kommune
  


• 
  Nord-Norsk Kunstmuseum, Tromsø
  


• 
  Århus Kunstmuseum, Danmark
  


• 
  Arkivmuseet i Lund, Sverige
  


• 
  Künsthalle Rostock, Tyskland
  


• 
  Nasjonalmuseet i Warzawa, Polen
  


• 
  Gullbenkian, Lisboa, Portugal
  

Kjelder |