Ttyjukl

'Asir
عسير
Region
Land	Saudi-Arabia
Koordinatar	19°N 43°E
Hovudstad	Abha
Areal	81 000 km²
Folketal	2 188 461 (2010)
Folketettleik	27 / km²
Leiar	Prins Faisal bin Khalid
Postnummer	14
Wikimedia Commons: Asir Province

'Asir eller 'Aseer (arabisk عسير, ʿAsīr) er ein region i Saudi-Arabia heilt sørvest i landet, kalla opp etter stamma Asir. Det har eit areal på 81 000 km² og eit estimert folketal på kring 2,2 millionar innbyggjarar. Han deler ei kort grense mot Jemen. Hovudbyen i regionen er Abha, medan andre byar er Khamis Mushayt, Qal'at Bishah og Bareq.

Tyrkiske styrkar etablerte seg i området i 1872 og hevda ei form for overhøgd over det fram til dei vart drivne ut ved hjelp av italiensk hjelp i 1911. Asir kom i 1922–26 under styringa til Ibn Saud, og vart etter ein oppreist i 1930 heilt teke opp i Saudi-Arabia.

Geografi |

Sjå òg Asirfjella.

Fjella innanfor den smale kystsletta når opp til kring 3000 moh. og går over til ørkenstepper i det indre. Delar av Asir er nasjonalpark. Det regnar kring 300-500 mm i to regntider. Den viktigaste er i mars og april, og den andre er om sommaren. Området høyrer til dei meir råmne og tempererte områda på Den arabiske halvøya. På bratte og terrasserte fjellsider vert det dyrka kaffi, hirse, kveite, bomull og dadlar. Det er mykje husdyrhald i området.

Guvernement |

Regionen er vidare delt inn i seks guvernement (folketal frå 2010):

• 
  Abha (+600 000)


• 
  Al-Namas (+105 000)


• 
  Bareq (+50 000)


• 
  Bisha (+325 800)


• 
  Khamis Mushait (+835 000)


• 
  Tanomah (+65 000)


• 
  Dhahran Aljanoub (+55 000)


• 
  Tathlith (+60 000)


• 
  Sarat Ubaida (+45 000)

Historie |

I 25 fvt. marsjerte Aelius Gallus legionane sine sørover frå Egypt for å ta kontroll over området langs handelruta mellom Middelhavet og det som i dag er Jemen og Hadhramaut. Romarane ønskte kontroll over desse rutene fordi dei var desperate etter pengar og håpte å få større inntening med å erobre Marib, hovudstaden i Jemen, og få kontroll over røykjelseshandelen, som då var ein dyr vare. Toktet vart derimot ein katastrofe.

I 1920 byrja 'Abd al-'Aziz, som grunnla Saudi-Arabia, å ta attende områda som huset Sa'ud hadde tapt og samla det meste av halvøya under sitt styre. Som ein del av felttoget sende han beduinske wahhabi-krigarar, kalla Ikhwan, for å ta 'Asir, og frå den tid vart 'Asir kontrollert av huset Sa'ud. Frå 1934 vart situasjonen formelt ordna då Taif-avtalen vart signert mellom Saudi-Arabia og Jemen.

På denne tida var regionen i stor grad ukjend for Vesten. I 1932 vart H. St. John Philby ein av dei første europearane som utforska og kartla området, men han publiserte ikkje observasjonane sine før i 1952.

Under den jemenittiske borgarkrigen i 2015, då Saudi-Arabia gjekk til åtak mot houthiane, invaderte houthiane regionen og gjekk til åtak på saudiarabiske militære stillingar.

Kjelder |

Bakgrunnsstoff |

Commons har multimedia som gjeld: Asir

• 
  Asir National Park: Splendid Arabia, An Online Guide to the Kingdom of Saudi-Arabia

v • d • e Tidlegare statar i Saudi-Arabia
Saudistyrt	· Emiratet Nejd og Hasa (1902–1921) · Sultanatet Nejd (1921–1927) · Kongedømet Hejaz og Nejd (1927–1932)
Erobra	· Asir · Jabal Shammar · Kongedømet Hejaz · Jizan