Ttyjukl

For andre personar med same namn, sjå Bernd Schneider.

Bernd Schneider
Fullt namn	Bernd Schneider
Fødd	17. november 1973 (45 år) Jena i DDR
Høgd	176 cm
Posisjon	Midtbane
Ungdomsklubb
1980-83 1983-91	Aufbau Jena Carl Zeiss Jena
Klubbar*
År	Klubb	Kampar (mål)
1991-98 1998-99 1999-2009	Carl Zeiss Jena Eintracht Frankfurt Bayer Leverkusen	158 (21) 33 (4) 263 (35)
Landslag
1999-2008	Tyskland	81 (4)
Klubbkampar og mål i nasjonal liga .

Bernd Schneider i juni 2005

Bernd Schneider (fødd 17. november 1973 i Jena i DDR) er ein tysk tidlegare fotballspelar. Størsteparten av karrieren spelte han for Bayer Leverkusen. I 2000 og 2002 var han med å koma på 2.plass i tysk bundesliga med Bayer Leverkusen. I 2002 var han med å koma på andre plass med det tyske landslaget i fotball-VM i Japan og Sør-Korea.

«Schnix», som han vert kalla, er ein allsidig spelar, som i tillegg til sin vanlege plass på høgre kant av midtbanen òg kan spela sentralt og defensivt på midtbanen og i forsvar. Som sterk teknisk spelar hjelper han lagkameratane til å koma i scoringsposisjon, sjølv om han sjølv sjeldan avsluttar.

Klubbkarriere |

Schneider begynte å spela fotball seks år gamal for klubben Aufbau Jena. Tre år seinare skifta han klubb til den best kjente klubben i området, FC Carl Zeiss Jena. Der spelte han på aldersbestemte lag til han 13. august 1991 gjorde sin proffdebut, 17 år gamal, i 2. bundesliga. I 1994/95-sesongen vart han fast inventar på laget. Etter 1997/98-sesongen, så Carl Zeiss Jena kom på 2. plass i 2. bundesliga, gjekk Schneider til nyopprykte Eintracht Frankfurt i 1. bundesliga.

I Frankfurt vart Schneider straks fast på laget. Han scora fire mål og hjelpte laget med å sikra plassen i 1. bundesliga, men sjølv gjekk han etter ein sesong til storklubben Bayer Leverkusen.

Den første sesongen i Leverkusen (1999/2000) starta han som fast inventar på laget, men mista plassen mot slutten av sesongen. I 2001/2002-sesongen fekk han gjennombrotet sitt i Leverkusen med fast plass på laget og fem mål. Seinare har Schneider vore ein av Leverkusen sine aller viktigaste spelarar. Han har kontrakt med klubben ut sesongen 2008/2009.

Landslaget |

Schneider har spelt 64 landskampar og scora eit mål for det tyske landslaget (pr. 2. juni 2006). Landslagsdebuten kom 28. juli 1999 i ein 2-0-siger over New Zealand i Guadalajara i Mexico. Han kom ikkje med i troppen til fotball-EM i 2000. I VM 2002 var han derimot med på laget som kom til finalen i VM, der han spelte ein av sine beste kampar nokonsinne mot Brasil. To år seinare var han òg med på EM i Portugal. 21. juni 2005 var han for første gong kaptein på landslaget, i ein kamp mot Argentina i konføderasjonscupen. Til VM 2006 på heimebane er han igjen med i landslagstroppen.

Statistikk (pr. 2. juni 2006) |

Landslaget |

• 64 landskampar, 1 mål


• 2. plass i VM 2002


• 3. plass i konføderasjonscupen 2005


• Deltaking i EM 2004 og konføderasjonscupen 1999

Klubblag |

• 2x sølvmedalje i tysk bundesliga (2000, 2002)


• 1x tysk cupfinalist (2002)

• 249 bundesligakampar og 33 mål for Bayer Leverkusen (216/29) og Eintracht Frankfurt (33/4)


• 124 kampar i 2. bundesliga og 14 mål for FC Carl Zeiss Jena


• 34 regionalligakampar og 7 mål for FC Carl Zeiss Jena

Internasjonale klubbmeisterskap |

• Champions-League-finalist 2002


• Champions-League-åttendedelsfinalist 2003 og 2005


• 56 europacupkampar og 5 mål for Bayer Leverkusen i Champions-League (50/5) og UEFA-cup (6/0)

Kjelder |

• 
  Bernd Schneider si offisielle nettside (på tysk)


• 
  Leverkusen who's who (på tysk)

v • d • e Tyskland sin tropp – VM i fotball 2002 (sølvmedalje)
1 Kahn (kaptein) • 2 Linke • 3 Rehmer • 4 Baumann • 5 Ramelow • 6 Ziege • 7 Neuville • 8 Hamann • 9 Jancker • 10 Ricken • 11 Klose • 12 Lehmann • 13 Ballack • 14 Asamoah • 15 Kehl • 16 Jeremies • 17 Bode • 18 Böhme • 19 Schneider • 20 Bierhoff • 21 Metzelder • 22 Frings • 23 Butt • Trenar: Völler

v • d • e Tyskland sin tropp – EM i fotball 2004
1 Kahn (kaptein) • 2 Hinkel • 3 Friedrich • 4 Wörns • 5 Nowotny • 6 Baumann • 7 Schweinsteiger • 8 Hamann • 9 Bobic • 10 Kurányi • 11 Klose • 12 Lehmann • 13 Ballack • 14 Brdarić • 15 Kehl • 16 Jeremies • 17 Ziege • 18 Ernst • 19 Schneider • 20 Podolski • 21 Lahm • 22 Frings • 23 Hildebrand • Trenar: Völler

v • d • e Tyskland sin tropp – VM i fotball 2006 (bronsemedalje)
1 Lehmann • 2 Jansen • 3 Friedrich • 4 Huth • 5 Kehl • 6 Nowotny • 7 Schweinsteiger • 8 Frings • 9 Hanke • 10 Neuville • 11 Klose • 12 Kahn • 13 Ballack (kaptein) • 14 Asamoah • 15 Hitzlsperger • 16 Lahm • 17 Mertesacker • 18 Borowski • 19 Schneider • 20 Podolski • 21 Metzelder • 22 Odonkor • 23 Hildebrand • Trenar: Klinsmann