Rehaniya Historie | Kjelder | Bakgrunnsstoff | Navigasjonsmeny33°2′54.12″N...
Merom HaGalil regionale kommuneTsjerkessiske samfunnTsjerkessarar i IsraelBusetnader grunnlagde i 1878Busetnader i Det nordlege distriktet i Israel1878 i Det osmanske riket
adygeiskarabisktsjerkessiskSafedIsraelMerom HaGalil regionale kommuneNord-KaukasusDet osmanske riketGalileaBeirut vilajetOsmansk SyriaAdygeaKaratsjaj–TsjerkessiaRusslandmoskéOperasjon HiramLibanonKfar Kama
| Rehaniya | |
רִיחָאנִיָּה, الريحانية, adygeisk Рихьаные | |
| landsby | |
 | |
Namneopphav: Myrt | |
| Land |  Israel |
|---|---|
Distrikt | Nord distrikt |
| Koordinatar | |
| Folketal | 1 123 (2011) |
| Grunnlagd | 1878 |
  | |
Wikimedia Commons: Rehaniya | |
Rehaniya (adygeisk Рихьаные; arabisk الريحانية; רִיחָנִיָּה) er ein hovudsakleg tsjerkessisk landsby kring 8 km nord for Safed nord i Israel. Han høyrer til Merom HaGalil regionale kommune.
Historie |
Tsjerkessarane kom til Midtausten etter at dei vart drivne bort frå heimlandet sitt i Nord-Kaukasus. Tsjerkessarane vart massakrerte og drivne ut av Tsar-Russland frå Kaukasus. Det osmanske riket tok i mot dei og busette dei i tynt folkesette området, inkludert Galilea i Beirut vilajet (Osmansk Syria).
Området dei slo seg ned i vart kalla Burak Alma.[1]
Landsbyen Rehaniya vart grunnlagd i 1873, men først i 1878 kom tsjerkessiske familiar frå Abazah-stamme nord i Kaukasus, eit område som i dag ligg i Adygea og Karatsjaj–Tsjerkessia i Russland.
I folketeljinga i 1922 hadde Rihania 211 innbyggjarar, alle muslimar,[2] og i 1931 var talet auka til 222, framleis alle muslimar, fordelt på 53 hus.[3] I 1945 var folketalet 290.[4] Alle innbyggjarane var då muslimar.[5]
Landsbyen vart bygd i tradisjonell tsjerkessisk stil, som har røter i Kaukasus. Husa er bygd inntil kvarandre og dannar ein slags vernande mur kring byen. Det står ein moské i landsbyen, som skil seg mykje frå arabiske moskear.
I 1948, under Operasjon Hiram (29.-31. oktober), overgav landsbybuarane seg til den framrykkande israelske hæren og fekk lov å bli verande i landsbyen. I november 1949 var det planar om å kaste ut innbyggjarar, i tillegg til fem andre landsbyar langs grensa til Libanon. Forslaget hadde sterk støtte i Det israelske forsvaret, men vart avvist av Utanriksdepartementet, som var redd for korleis det internasjoanle samfunnet kom til å reagere.[6] Landsbyen vart verande i unntakstilstand fram til 1966.
Rehaniya er ein av to hovudsakleg tsjerkessiske landsbyar i Israel. Den andre er Kfar Kama, som fekk status som lokal kommune i 1950.
Kjelder |
Denne artikkelen bygger på «Rehaniya» frå Wikipedia på engelsk, den 16. mars 2015.
- Wikipedia på engelsk oppgav desse kjeldene:
Barron, J. B., red. (1923). Palestine: Report and General Abstracts of the Census of 1922 (PDF). Government of Palestine.
Hadawi, Sami (1970). «Village Statistics of 1945: A Classification of Land and Area ownership in Palestine». Palestine Liberation Organization Research Center.
Mills, E., red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine.
Morris, Benny (1987). The Birth of the palestinske refugee problem, 1947-1949. Cambridge University Press. ISBN 0-521-33028-9.
Palmer, E. H. (1881). The Survey of Western Palestine: Arabic and English Name Lists Collected During the Survey by Lieutenants Conder and Kitchener, R. E. Transliterated and Explained by E.H. Palmer. Committee of the Palestine Exploration Fund.
↑ Palmer, 1881, p. 70
↑ Barron, 1923, Table XI, Sub-district of Safad, p. 41
↑ Mills, 1932, p. 109
↑ Government of Palestine, Department of Statistics. Village Statistics, April, 1945. Quoted in Hadawi, 1970, p. 71
↑ United Nations Conciliation Commission for Palestine, Village Statistics, April 1945, p. 5
↑ Morris, 1987, pp.226 242,251.
Bakgrunnsstoff |
- Velkomen til Rihaniya
- Tsjerkessarar i Israel
Merom HaGalil regionale kommune | |
|---|---|
| Kibbutzim | Parod |
| Moshavim | Alma · Amirim · Avivim · Dovev · Dalton · Hazon · Kerem Ben Zimra · Kfar Hoshen · Kfar Shamai · Meron · Shezor · Shefer · Tefahot |
| Fellesbusetnader | Amuka · Bar Yohai · Birya · Inbar · Kalanit · Kfar Hananya · Livnim · Or HaGanuz |
| Ikkje-jødiske landsbyar | Ein al-Asad (drusarar) · Rehaniya (tsjerkessarar) |
