Snøballkrig Innhaldsliste Historie | Store snøballkrigar | Meisterskap | Snøballkrig i kulturen |...
LeikSnø
leikeslåstingsnøballarungarungdomgrusissteinvintertidkalenderarFrans I av FrankrikeVilniusbuarden amerikanske borgarkrigenhæren for Nord-Virginia1863RappahannocktexanskeJames Longstreet2006Michigan Technological UniversityjapanskJapanTommy og TigernNRKVardøFinnmark
Ein snøball treff blink.
Snøballkrig er ei form for leikeslåsting ved hjelp av snøballar. Snøballkrig er ein tradisjonell leik blant ungar og ungdom, men blir ofte forbode fordi grus, is og stein i snøballane kan føra til alvorlege skader.
Innhaldsliste
1 Historie
2 Store snøballkrigar
3 Meisterskap
4 Snøballkrig i kulturen
5 Sjå òg
6 Kjelder
6.1 Fotnotar
7 Bakgrunnsstoff
Historie |
Veggmåleri av ein snøballkrig frå om lag 1400.
Snøballkrig er kjent frå fleire mellomalderskildringar. Bilete av slik leik kunne brukast til å illustrera vintertid i kalenderar og liknande.[1] Folk av høg byrd kunne godt mora seg med snøballkasting. Det finst mellom anna ei forteljing om kong Frans I av Frankrike som saman med hoffolk prøvde å innta eit hus ved hjelp av snøballar.[2]
Store snøballkrigar |
Vilniusbuar i hundretal samlar seg årleg til snøballkrig under feiringa av užgavėnės, ei litauisk karnevalshøgtid med heidenske røter.[3]
Under den amerikanske borgarkrigen fann ein ovstor snøballkrig stad blant soldatar i hæren for Nord-Virginia. Den 29. januar 1863, etter eit kraftig snøfall ved Rappahannock-elva, byrja texanske soldatar å kriga mot kvarandre, før krigarane slo seg saman om åtak på andre grupper for moro skuld. Kampen utarta seg til eit snøkaos der 9 000 menn skal ha vore med. Bråket frå slostinga førte til at nordstatsstyrkene på andre sida av Rappahannock-elva frykta eit åtak, og førte til mange små og to alvorlege skader. Kort tid etter hendinga forbaud generalløytnant James Longstreet soldatane i hæren å kasta snøball.[4]
Verdas største dokumenterte snøballkrig blei halden 10. februar 2006 av 3 745 deltakarar ved Michigan Technological University.[5]
Meisterskap |
«Yukigassen» (japansk for 'snøballkrig') er ein meisterskap i snøballkrig som blei starta i Japan. Det er blitt halde turneringar i Japan, Finland, Noreg og Australia.
Snøballkrig i kulturen |
Teikneseriefigurane Tommy og Tigern er i mange historier innblanda i snøballkrigar, til dømes mot kvarandre eller mot Tommy sin erkefiende Marianne.
Dokumentarserien Snøballkrigen, sendt januar 2011 på NRK, portretterte ein årleg Snøballkrig-festival i Vardø i Finnmark, menneska rundt og byen.
Sjå òg |
- Matkrig
- Putekrig
- Snøvasking
Kjelder |
- Denne artikkelen bygger på «Snöbollskrig» frå Wikipedia på svensk, «Snowball fight» og «Yukigassen» frå Wikipedia på engelsk den 13. januar 2008.
Fotnotar |
↑ Bridget Ann Henisch: «Chapter 1: In Due Season» frå The Medieval Calendar Year
↑ Jeffrey Kahan: «Salamanders and Snowballs: Thematic Stability and Plot Reconfiguration in the Fictional Histories of Francois 1»
↑ Vilnius Festivals
↑ An Illustrated History of the Fourth Texas Infantry
↑ MichiganTech World Records
Bakgrunnsstoff |
Wikimedia Commons har multimedia som gjeld: Snøballkrig- Yukigassen Noreg
