Ttyjukl

Aginskij Burjatskij avtonomnyj okrug
Agyn Burjaadaj avtonomito okrug
(pr. 1. mars 2008)

Flagg Våpen
Hovudstad	Aginskoje
Areal - Totalt - % vatn	Rangering: 78. 19 300 km² Ukjent
Innbyggjartal - totalt - folketettleik	Rangering: 83. ca. 73 500 (2005) ca. 3,8/km²
Føderalt distrikt	Sibir
Økonomisk region	Aust-Sibir
Regionsnummer	80
Offisielt språk	Russisk, Burjatisk
Guvernør	Bair Bajaskhalanovitsj Zjamsujev
Nasjonalsong
Tidssone	UTC +0900

Aga Burjatia (russisk Агинский Бурятский автономный округ, burjatisk Агын Буряадай автономито округ) var eit sjølvstyrt distrikt (okrug) i Russland. Det var del av Tsjita oblast, men samstundes eit av føderasjonssubjekta i den russiske føderasjonen. Hovudstaden var Aginskoje, arealet var 19 300 km² og innbyggjartalet var 73 500 (2005). Den 1. mars 2008 vart distriktet slått saman med Tsjita oblast og danna det nye territoriet Zabajkalskij kraj.

Aga Burjatia var fullstendig omslutta av Tsjita oblast, sør i Sibir, nær grensa til Mongolia. Området er berglendt, høgste punktet er fjellet Alkhanaj, 1663 meter over havet. Om lag 30 % av arealet er skogkledd. Klimaet er kontinentalt, med kalde vintrar og varme somrar. Middeltemperaturen i januar er frå - 22 til - 26 grader celsius, i juli + 18 til + 20 grader celsius.

Aga Burjatia har ingen stader med bystatus. Ved folketeljinga i 2002 var fleirtalet burjatar (62,5 %). Russarar utgjorde 35,1 % av folketalet.

Burjatane, eit mongolsk folkeslag, vart underlagt russisk herredøme i 1648. Busetjinga Aginskoje vart grunnlagd i 1781. Etter den russiske revolusjonen i 1917 var det kampar mellom sovjetiske og "kvite" styrkar i området. Sovjetmakta vart etablert i 1920. Det autonome distriktet vart oppretta 26. september 1937. Etter oppløysinga av Sovjetunionen vart Aga Burjatia eit russisk føderasjonssubjekt.

Bakgrunnsstoff |

• 
  Distriktet sine offisielle heimesider Mal:Språikon
  


• 
  Artikkel frå Kommersant (en)
  


• Artikkel frå NUPI